الموضة وسيلة لإخصاء الأفراد

أول حاجة بغيت نسلم  على كاع الفيمينست الزوينات المقملات بسبابكم وليت هجالة الفيسبوك ،من كونط لكونط و سلمو ليا على حرية تعبير و الله يلعن زبورتمكم.

ليوم غنهضر على واحد الميكروب نتاشر فالعالم كامل،طاجين المرحلة محرحر ، ليلة غنهضر على التأثير ديال الموضة و الأيقونات ديالها على إخصاء البشرية ،كيفما كنعرفو الوقت تزوهرات عند المصمين بعد الحرب العالمية التانية ،الرجال الأحرار تعطبو فالحرب و خرجو العيالات يخدمو ،هنا بانت كوكو شانيل و بدات فتقزاب الصايات ديال لعيالات باش يرتاحو فالخدمة ،و مع تطور السينيما  بداو كيبانو نجوم كيعجبو ناس و كيأثرو فالأذواق  ديالهم و هنا بانت الأهمية ديال المصممين، الكسوة لي لبساتها شي ممثلة كيبغيوها كاع الناس ،من بعد غتولي عند هاد الإخوان سلطة كبيرة إلى ملبستيش فحال الناس كتولي ضحكة، دبا زويمل فيه نص ميترو كيلوز فباريس ولا كيفرض على راجل بشلاغمو أش يلبس،فانتظار يطير ليه الشلاغم و هادشي لي وقع ، إلى تسركلتي فالمجلات ديال الموضة و الإشهارات غتلاحظ بلي العارضين كيشبهو لبنات ،و هاد الباكص هوما لي كيأثرو فشباب ،فاش كيبغي شي برهوش يبان زوين و يطيح التيتيز كيشوف شي ممثل ولا عارض و كيقلدو ،و هنا كتوقع الموصيبه ،البرهوش كيرجع فحال النتوة المزغبه و هادشي تقدر تلاحظو حدا الليسيات ،أغلب البراهش طاويين سراول و لابسين تريكوات خواتاتهم  كيفما وصفهم الأديب أنس زروال في كتابه النافع و الجلجلان فضل المناكب في فصل البواقل "الإخوة اللوا-طوين سراول" و من هنا تبدأ رحلة الفئران(الفارة زعما) ، سريولات أدومة  تفو فين هو الإغراء فذكر لابس كولون و كيلوز كي لقحيبة .

الهدف ديال هاد اللوبي هو إضفاء أكبر عدد ممكن ديال الصفات الأنثوية على الذكور و إيلا نتاقدتيهم ينبحو عليك الفيمينست المصعورات،حقا و الواد فين كاين المشكل إلى بان الراجل فحال المرأة نتوما عروبيين و ذكورين،واا الخراوات مذاق الدجاج زوين فالدجاج و مداق الخيار زوين فالخيار ،أي خيارة فيها ريحة الدجاج كتولي زفرة و كنلوحوها إيوا تلاحي عرفتك مفهمتيش ،حيت كن فهمتي متكونيش فيمنست،و كيفما قال القذافي الفرق بين المرأة و الرجل هو أن الرجل ذكر و المرأة أنثى، كن دعاة تقبل الاختلاف تقبلو الإختلاف بين المرأة و الراجل و هناونا ،المرض صافي ولاد ديلكلب فينما كان شي قرد ولا قردة مسالي كرو كيشعكك راسو و يلبس شي دربالة و سلسلة ديال الكلب ،و اراك للابداع .ميتقشروش ولاد القاف كيجيب قصبه يلبسها تغنجا و يقوليك هادا فن و ابداع و متعرفوش ليه و هادشي زوين  فنظرنا حيت الجمال نسبي و متناقشنيش فأذواقي،بشاخ على أذواقي آ قدورة الجمال ماشي نسبي نتا لي حمار و معندشكش الذوق و خايب ،كيفما خلاها خالد لا زهر لا ميمون لا كود زين .
زيد على هادشي القولبة ديال البشر ولا كلشي فحال فحال نفس اللبس و نفس الحجبان،طابع واحد خرجو منو كاع البشر فهاد الوقت من دوك صمد لبنت جيرانكم نفس الشنايف ديال الصوصيص ،و كلشي خاصو  يسرح شعرو و يرطبو وخا يكون جيكس،غياب الفردانية حتى فاختيار الشريوطة لي غتلبس ،هاد المصممين فرضو الوصاية على المظهر ديال الناس، البشر تخصا نتوات و ذكورة  مبقاش لفرق بين هند و عمر صباغة وحدة طلاتها البشرية كاملة ،و حتى الدراري ديال دبا فحال لبنات القضية تخلطات ياربي سلامة اللهم ارزقنا التيستوستيرون من حيت لا نحتسب.
مشى الزمان لي كان فيه الرجل تيهز السيف الذكورة دبا تيهزو صيكان و تيقطعو الحجبان نعام سيدي،الحداثة بمفهومها الخرزي ،و كيزيدوها بالعياقة و التعواج ريوس الطارو ،مفاوت مع ماكرون بالشهورة و باقي مضارب مع الكولونات جنس قصيف، وزيد على هادشي البغال لي كل نهار كيفضحونا بتصاور ديال outfit goals و كيبداو على التوحويح فحال العزبات طفرناه معاكم المخصيين تفو ،وبلا ما نساو المبدعين السرياليين لي كيشدو قفطان يقطعو ليه ظهرو و يلصقو فيه قنبة و فكرون و يرسم  للعارضة جردة فوجهها و غابه فالراس و يخرج فيك عينيه و يقوليك هادا جمال بوهيمي ،شفتي نتا واحد البهيمة و متسواش ،عطيوني حجرة بربي حتى هاد  البشر خاصو القرطاس و لكن القانون كيحمي حياة الرخويات البشرية ،كاع الإنجازات لي دارها لalpha male  عبر التاريخ غيسالي معاها البيطا و حليقات الرؤوس النسويات الراعي الرسمي للمسخ و المساند لكل أشكال الزملة، اللي حرق جد بوكم الكلب عطيتونا رجال مفرطين فالأنوثة و رطيطبين و اللي كيسالي معايا هو مسابقات ملوك الجمال و كيبدا الذكر يتبوزا فحال القحيبة ها نتوما شوفو ترمتي شحال زوينة ،سير ليعطيك الذل و الواعرة هي فاش كيربح شي واحد فيهم و باه معنقو و كيبكي أشنو زعما كتقول مع راسك الحمد الله ولدي طلع زوين ،إيو صافي راه زين غي خيط ليه قفطان خضر فيه راية ولاد حريز راه الخطاب جايين فالطريق،الخوار صافي تناكت .
وعاد زيد واحد الميكروب آخر ليلى حديوي ديال الدراري ،اللي كيبقا يفهم على العشران لبس هادي مع هادي دير هاد الشال زيد عكير،اودي يا ودي ناس تفهم فسلاح و العلوم و الانسة سمير كيفهم فالتقاشر و كيزيدها و يكملها وا الدراري (بصوت ساره أبو جاد) كونو زوين و ديرو باغفان ،واا الخرا كون راجل شفتي بوتين حنزز فيه مزيان راه راجل و زوين و مقود بلا عكر بلا شال ،و ديها من عندي كاع الذكورة صحاب الشيلان و القبعات ميسواوش ،الراجل هو الكاريزم أسي زبي و الكاريزم ماشي هو الزملة ،وراه تعيا متبوكص مغتديها فيك حتى نتوة حرة غالبا غتعجب شي قردة فحالك راسها خاوي تبقا تشرك معاك الماكياج و السراول و خود ساطة عندها صدر قد صدرك باش تشاركو حتى السوتيانات، واحد النهار قريت بلي رجال ديال روسيا و أكرانيا مكيستعملوش الباغفان (كيعجبني وخا هاكاك) و إلى زغبك الله و عطيتي لشي روسي ريحة كادو عول عليه يعوج لمك الحنك ،عندهم الراجل خاص تشم فيه ريحة الرجولة صافي ،و صراحة فاش تأملت فهاد الحكمة بان ليا بلي النتوة الحقيقية لي عندها جينات مقادين لا يغريها إلا عبق التيستوستيرون،قيصر بلاما تعرفو كيبان ليك مثير بزاف بالشجاعة و التحربين ديالو بلا زواق بلا روايح (هادا ميعنيش تكون خانز)، و أخيرا ترجلو ترجلو أولاد القاف.