أثر الفردانية على الإبداع

فينما كتبان شي لوحة متورخة و لا معزوفة ربانية كيبداو الناس يعلقو شوف إبداع البشرية فين وصل ،شوف روعه الانسانية و كانه كاع البشار جابو سطولة ديال الصباغة و رسمو مع الفنان اللوحة ديالو ،واحد توحد عشرين عام مع شي منحوثة فشي خلوة ولا جبل،باش فاللخر يجي التائر المتمرد يبوسطيها فالفيسبوك و يخرج عينيه هذا ما أنتجته المجتمعات العلمانية المتنورة فماذا أنتج الظلاميون غير القتل و الدمار ، الأخ الثائر السطر ميجيبوش لاصق ميعرف يشد مكحلة ما يشد ريشة ،لا فن لا إرهاب ،لا ماركس لا محمد ،يا إلهي لماذا هذا الجقير و تخراج العينين،فينما بدع شي نابغة كيجي إقليم سطات و ساكنة واد الراين يتزاحمو معاه باش نبانو كلنا مبدعين صحة ، إيوا أ عبيقة لا المعزوفة الخامسة إبداع بتهوفن بوحدو ، و التمثال ديال دايفيد إبداع خالص ديال مايكل إينجلو  ،كاين غي الديموقراطية لي إبداع ولاد القحاب  مجتمعين. و تتجلى روعه الديموقراطية في قدرتها على تدمير كاع الابداعات الفردية باش تبقا الجماعة على خاطرها.

خصنا نعرفو بلي الإنسان كفرد يختلف عن الانسان وسط جماعة ،الابداع ظاهرة فردية و ماشي سلوك جماعي ،كاع المبدعين المقودين فجميع المجالات الفنية و الفكرية كانو انطوائين و متوحدين وكيعتازلو العالم من فتره لفتره و هادشي يبان ليك فالسيرة ديال كاع الفلاسفه و الرسامين و الموسيقين و المتصوفة ،فينما كانت شي masterpiece فشي فن كتلقا فيها التوقيع ديال فرد واحد ماشي ولاد العمالة ،أما فاش كنشوفو الجماعات البشرية غالبا كتحيي الجانب الحيواني و الغير عقلاني فبنادم ، و كتشجعو يدير شي تصرفات ميزعمش عليهم بوحدو هادشي كيتسمى  la dynamique de groupe  ،داعش جماعة ،الألتراس جماعة و الناس ليكيهرسو الطنوبيلات فالمظاهرات حتا هوما جماعات ، جامي تلقا ألف واحد مجموعين و يعطيوك شي حاجة تحمر الوجه ،إلا لتجمعو فقشلة و هذا ماشي إبداع حيت الجانب الفني فالحروب لي هو التخطيط كيكون المهمة ديال شي واجد مخلوي مع راسو و الجماعة كتنفد ، إيوا الله يرحم كاع المخططين الحربين و على رأسهم صان تسو .كثر من هادشي كاين لي حط العزلة و التفرد كشرط للإبداع ،حيت فاش كتعتازل العالم سواءا تصوفتي و لا غماليتي ،كيصفا ليك الدماغ و كتوصل لأعلى مستويات الوعي و اليقضة و كتبني جسور ديال التواصل مع الكون و راسك و كتبدا تبدع (تحلات ليا هنا هه) . حتى الانبياء كانو معتزلين.
الفردانية مهمة فأي مجال إبداعي ، وخا دبا كاينين ناس كيجبدو ابن رشد باش يقولو لينا شوفو المسلمين شحال مبدعين،الصراحة ابن رشد عبقري و كيمثل غي راسو ،و الرعاع كانو حرقو الكتب ديالو كيفما حرقات الكنيسة غاليلو ،أغلب الابداعات و المبدعين كان المحيط ضدهم و لكن هوما كان عندهم إصرار و كانو نوابغ و أيقونات و ناس يستحقو الاحترام ،و يجيو دبا دعاة الديموقراطية يجقرو إبداعات الافراد و ينسبوها للإنسانية جمعاء ،باش نبانو كلنا مبدعين ، واا لا و مكاينش المساواة الهرمية حتمية ،و أينشطاين و لا دافينشي أو ابن ميمون ميمكنش نقارنوه بابتسام تسكت ،كيفما قال نيتشه إن العداله بداخلي تصرخ بأنه لا مساواة بين البشر ،و جداتي فقبرها كتغوت واش شي كيف شي واش كي قدور كي علي ، الاختلاف واقع و الذكاء مستويات ، و كاين إنسان من درجة إله يوناني و كاين إنسان من درجة حمار،هادشي لي كيرفضوه صحاب الديموقراطية  و الانسانية ديني و تكون إنسان ،وا هانتا إنسان أسيدي و من بعد باش نفعتينا و باش طربتينا ، ديكارت غي طلقها على البشرية بهاديك النويطة ديال العقل أعدل قسمة بين البشر ،كون كانت القولة صحيحة كن عندنا دبا سوق دياكارتي و تلقا اسبينوزا دافع كروسة ديال العقلانية و كيغوت تعالى أماركس كيلو ديال العقلانية بخمسة دراهم و حيت عارفك حمق و معندك عقيل غنزيدك عشرة كيلو ديال اللوجيك فابور باش تحبس دوك التخاور ، وتصايبنا معاك اصحبي وشري بلا ترعوين تا عقيل بخمسة الدراهم تسنا الدولة تشريه ليك ،يالاه خوديه فابور غي هنينا ياك احنا كاع ولاد جرمانيا وخا شوهتينا الله يغرق ليك الروايض، على ذكر جرمانيا فأغلب المبدعين خرجو من مجتمعات فردانية ،شعوب المرقة و إلى جلستي بوحدك غيضربوك جنون ناذرا فين كيخرجو شي مبدع ، و حتى فعالم الحيوان كاع الحيوانات لي بعزها كيكون عندها سلوك فرداني من السبع للدئب إلى النسور و الصقور ،أما الجماعة تتليق بالخرفان و البقر و الكلاب ، و لك أن تختار أي حيوان بشري غتكون و فخاطر الفردانين كنهديكم الديسك ديال arch enemy the eagle flies alone  ،المجد للطيور الكاسرة و كاع المفترسين ،الناس ديال القمم الشاهقة دمتم أفرادا و لا عزاء للقطعان.