فضل المغربية في مواجهة العدمية

في إطار تشجيع المنتوج المحلي ،قررت نكتب نويطة طنزانية و تافهة فحال نويطات السابقين ،لذلك إلى كنتي عاميق سير حفر البيار و  هنينا ،اما الإخوة لي كيسولو على واش انا بنت ولا ولد ماسوقكمش قراو زمر و قودوا راه كنكتب ماشي كنكفت لبنادم هنا ،ولاد فرويد وي الكبت مطبوع ليكم فالجبهة .
أما بعد عزيزي القارئ تزوجها مغربية وحارب العدمية ، إلى تزوجتي نتوة موروكية لن تقع أبدا في اللامعنى ، دائما ستجد  سببا لمعاناتك (الصكعة ديال مرتك) ، و وجودك له هدف و غاية (تجيب البوطة) كذلك سيدي المغربية مبيد أنطولوجي (وجودي) لكل الأسئلة المصيرية ، إلى تزوجتي بنت البلاد عمرك متشك فالدين، القاضية واضحة و باينة ،الله كاين مدام عذاب القبر كاين(النسيبة) ، نزار قحباني مات و هو يمني النفس بامرأة تجعله تبكي ،تزوجها مغربية و ستجعلك تنحط و تندب ، تزوجها و ستندم  بعدا الندم حسن من الفراغ ، كذلك مع بنت البلاد ستنسى اللاشيء ،المهتوكة ديما خصها شي حاجة ،عمرها متردها فوجهك ،إلى كان سيزيف اليوناني هاز صخرة فسيزيف المغربي هاز القفه (عمر الحمار ميحط الشواري) ،كما أن المسخوطة ستملأ حياتك بالأهداف :ها العيد الصغير ها الكبير ها الدخول المدرسي ..... في رحلة البحث عن المعنى لا تنسى أن ترافقك مغربية و ستصبح وجوديا على هايدغر يبصم ليك عليها يالاه باليو أدراري.
و أخيرا راك غتزوجها مغربية بزز منك واش عمرك شفتي شي قرد تزاوج مع حمارة ، جدك تزوج بنت عمو فتيحة لي باب مخروبتهم حدا رجليه ،ولد ديلكلب كن تمشى غي شوية و تزوج من دوار أخر و العكز ياربي سلامة ، عاكزين حتى على الحنكليس ،البغل كون هز حمارتو و طلع للأطلس يتقدا الزين،و ولد ولدو دبا بغا يقطع البحورة و يجيبها سويدية مرة وحدا ،هاي هاي على التقحبين، من الحمارة لطياره، تا فين هو التدرج و السلاسة ،واا التخور فين دفنتو التطور ، المهم راه الواقع هو الحقيقة الوحيدة لي كاينة ، غالبا غتبقى تشرط حتى يلسقو فيك شي عوجة مسوسة شاطت من العزلة،صحاب لا لتشييء المرأة يدكم فيه تانا لتشخصنونيش، آ صكع عزل عزل  قبل ما يبدا الزحام، و الخيوبة راه واقع مغربي راه عندنا جينات إفريقية الله يغبر لمها الشقف،و أخيرا اللهم بطاطات بلادي و لا عنب البلدان.