فينومينولوجيا الترعوين وراء استيراد الزين (الاسباب الحقيقية وراء تفضيل الزواج بالاجانب)

في إطار تشجيع المنتوج المحلي قررت تانا نكتب على الزواج بالمغربيات ، صراحة ترددت فالاول حيت معنديش مع الهضرة لي دايرة البوز،بالنسبة ليا les tendances من علامات  الانحطاط ،و لكن حبي للتخوار منعني،طبعا فئة المسقفين المجلجين الباحتين على الافادة سدو علينا قماقمكم لي باغي يستافد يشرب الحليب و انا ماشي هارفرد ،راني غي مصيبة و عيشورية و زركة من الفوق و حاملة للجنسية الطنزانية (الطنز عندي أسلوب حياة) ، متديوش عليا و صافي و نزيدكم ما باغية نبدل والو فالواقع ،بغيت نبدل غي الجو شويا ، المهم هاد سيمانة الأسود ربحو شي ماتش و غيعلقو لروسيا ،و خرجو لينا شي ضبوعة قاليك بغاوها روسية بلاما نساو ناس تاع سويد بليز و عاشقات الأتراك و أبو مودي  و نواف ..
كاع دعاة الزواج المختلط تيتحجو بجمال الروسيات و ثقافة السويديات و رومنسية الأتراك ،هاد الاسباب كاملة   كيفما كيقول صديقي أسباب تستعمل للتمويه ،السبب الحقيقي لي كيخلي عبيقة يفكر فسويدية و لا قدورة فخليجي هو الانعتاق من القاع ،الزين كاين فالمغرب بنات و ولاد ،عندنا القوق و البلار و عندنا الزلط ،المشكل الاساسي فالزواج فالمغرب هو مشكل مادي مكاين لا زين لا لوز الوضع الاقتصادي منيوك و القاضية غادية و كتقواد عند الدراري، و الدريات  غادين و كينسلخو على الواقع ،باختصار أحلام و أذوقها الفتاتش المغربية لا تناسب ميزانية الفارس ،و بين هاد جوج ضاع الفرس ، و زيد عليها التربية المخورة لي دوزناها ،من الطفولة لبنت فاش كتبغي شي حاجة و لا تمشي لشي قنت كتغمق عليها مها بحتى تزوجي و سافري مع راجلك ،تا تكبري أ بنيتي و يشري ليك راجلك طونوبيل ، ياك أ بنت القحبة و نتي و الكلب لي ولدها أش كديرو، و نهار تمشي تخطب تخرج فيك عينيها و تقوليك الدرية طالعة علينا غالية خسرنا عليها الفلوس بلا والي ،امم و لاد ديلكلب صافي هاد الفلوس لي خسرو عليها غالبا ديال شي شكارة ديال الروايض فاش كانت المخننة فالرابع ههه،اودي البيع و الشرا لي كيتقنوه المغاربة هو الزواج ردوه مقاولة صغرى خاصك صداق و خطبه و حنة و عرس بقيمة ديال فيزا لألمانيا، باش تحضر شي خالة جد الكلب لي ولدها مفيقينها من القبر باش تجي تقوليك تهلا لينا فالبنية راه مقطرة لينا من العوينات،كن شفتي نتوما يا الحاجة مقطرين من قاع جهنم.
و زيد على هادشي شي أفكار خامجة ديال طلبي الصداق غالي باش ديري لراسك قيمة ،و تفششي على بوركابي و ستغليه و خرجيها منو، و فيق فيق معاك كانط يندب شويا  قاليك الانسان غاية فحد ذاتو ،وا سي زبي كحل الراس عندنا ميليقش حتى وسيلة و لا عصا ديال كراطة ، اودي انا لي مبغاش يتفهم ليا هي كثري عليه الطلبات باش تكون عندك قيمة ، ياك ألقحبة القيمة معرفتيش ديريها لراسك و لي بغيتيها شريها لكرك ،قراي جيبي نوبل ،لالياتك لي ربحو ميداليات محركوش فيك نفس، معمرك متأملتي فمارغريت تاتشر و تحركات فيك نفس و بغيتي تكوني فحالها ،غرتي غي من بنت عمتك لي دارت عرس بستين مليون، تريكة القنب جنس قصيف تفو، بلا ما نساو صحابات القوامة للرجل خاصكم عمارية فقاع جهنم صعيب نوصفكم صراحة ،فاش كتخور الخابية باش تجبد جينالوجيا الترعوين (ههه بشااخ على التشيار بالمفاهيم)  وراء هاد الحريرة السلوكية ،كتلقا بلي حنا متربيناش على الاستحقاق من الصغر تربينا على الاتكالية و تخلاط العرارم ،عند المجتمعات لي كتحترم راها و الاحرار عموما الزواج عقد باش تحل إشكال النيك و التعناق و البغو فمرة و حبس ، و لكن حنا مرقناه و شلظناه ولى لي كيبغيك خاصو يضور معاك بالفلوس ،و يخلص عليك فالقهوة و يشري ليك الحوايج و تجيه لي غيكل فبلاصتك كاع ،فصراحة سيدتي لي كيبغيك جهدو يكويك و يشد ليك الخاطر شوية ، يعني الصرف ديريه لكرك و نساي التخربيق ديال المغبونة ديال خالتك و المنكوبة ديال ختك الكبيرة ،و نتا أسي زبي لبغيتي فيزا تقاتل عليها بلاما تزوج طراكس ديال الشحمة فايتة سبعين عام و توتو عندها فيه ملتقى الحضارات ،كاع قدماء المحاربين دازو عليها ، الحياة قاسحة و لcapitalisme صعيب و الحل ماشي هو نصدرو الأزمة لصحاب الزيروات ولا الصفريطات ،الحل هو تقاتل راه ماشي ضروري الحياة تكون ساهلة ، وربيو النفس قبل الترمة ،بربي حتى المغاربة تقزمو ،دين مكم أطلس لي عبدوه اليونان راه أمازيغي تصارع مع هرقل و هز قبة السماء بين كتافو و محناش الراس للعديان ، شوف عظمة الروح وعزة النفس ، و من نسل أطلس خرجو لينا لقطاء و رعاوين كيبيعو راسهم على قبل فيزا ، و دريات حفيدات ديهيا لي قطعو عريبان راسها و مزعم حتى كلب فيهم يهزو ،و لاو عندنا مغربيات مدلولاب فجلسات وناسة كيلعبو بيهم خوالجة كيف بغاو  قحاب  تفوووو....
بقا لينا غي زين ،اودي راهي تناكت فالاخير إخواني أخواتي عيشو أحرار و عيشو بعزكم راه لكنتي مدلول متنفعك لا روسية لا إماراتي واخا دير الفلوس غتبقى ديما كلب وقزم ،عيشو أحرار و لا موتو و كيفما قال الشريف التويتري نوفل الرجال بخلودهم لا بوجودهم .