السنابشات كانبعات للفلسفة الكلبية

فالسنوات الأخيرة كثرو مواقع التواصل و التطبيقات و لكن كايبقا سنابشات هو أكثر تطبيق مبغاش يتفهم ليا وبما انني كنت ساكنة مع واحد البنت وكانت فارعاني بيه،قررت نلاحظ المستعملين ديال السناب باش نفهم هاد الحريرة، ولكن الصراحة الوضع فات البهلوانية هاد البلان مبرهش بزاف ، فاش قلبت على السبب لي كيخلي قدورة و لا عبيقة يستعملو هاد العجب لقيت بلي مفيهش الحضية بزاف ،مثلا البرهوشات يقدرو يلوحو النيودز بعيد على واليديهم و يتمحا داكشي من بعد 24 ساعة ،يعني لواحد يجيب راس بلا صداع الراس ،و الحاجة التانية هي ان الواحد كيوتق اللحظة بلحظتها فعوض متجيب شي تصويرة يتيمة لي كتبان فيها فحال بنادم كتصور فهاديك اللحظة وكيقولو ليك على السلامة يالاه  راك حمار .

طبعا أنا هدشي كلو مدخلش ليا لراسي من داكشي لي شفت بان ليا بلي هاد السناب اكثر بلان مبرهش بان لحد الآن و معندو حتى معنى راه شوهة تلقى وحدة قد البغلة مزاحمة هي و صاحبتها على فيلتر ديال كلب ،الوقت تناكت و بنادم تمسخ ،البشرية ضرباتها لعنة ديوجين فينما كان شي كلبي ولا كلبية بان فسناب ،غي هوما طبارك الله فاتوه حيت خونا كان قال ليهم يعيا الفيلسوف ما يتفلسف و لكن عمرو ميولي كلب ،لهلا يوريك أ لمزغوب جاو من وراك بلا تفلسيف و هاهوما كلهم كلاب نعام أسيدي ،غي هو اليونان كان فيها كلبي واحد حنا مع بلاد البركة عمرات عندنا الدنيا  ،لدلك كنقترح على صحاب القهاوي يزيدو الكروكيط فالقائمة تأقلما مع النوعية لجديدة للمستهلكين المكلبنين.

بعد الفيلتر ديال الكلاب كاين ناس ديال قبطة النعناع و المعدنوس فوق الراس، خضارة صافي ،هاكي درهم و حيدي داك الربيع اللي حرق جد بوك ، هادو شخصيا كيجيبو ليا الشلل ياربي تنزل عليهم طير أبابيل ،المهم أغلب الفيلترات ديال الحيوانات لي ماشي كلب راه قرد و فالاخر كلهم حمير ،هادشي كامل ممكن نتجاوزوه إلى كان المستعمل مراهق و لكن راه الكارثة هي فاش كتلقا كحل الراس فعمرو 27 عام و مضارب مع هاد الحماق ،أودي يا ودي شي مرجل مع الوقت و شي مراجل مع الفيلتر ،بغيت ليكم التقاف و العكر و قلة الدوا ،اي بوقلوة كيدور فالسناب خاصو يتعلق من الخصيتان ،أما البقرات لي فايتات تمانين كيلو و عشرين عام الغلاضات الخيبات الطراكسات البشريات (وحاشا يكونو فحال الشيخة الجميلة طراكس) من فئة الدبابات اللحمية لي شفتهم شخصيا كيستعملو الفلترات باش يبان الوجه ضعيف و هو فالحقيقة هاداك راه ماشي وجه ،كمارتك سيدتي  ساحة ديال الأغورا،  وخا تعيايو ما تفيلتريو  باش  تبانو كيوت و قطيطات ،راه بينكم و بين القطوط غي الخير و الإحسان ،أكثر حيوان كتشبهو ليه هو كلب البحر او فرس النهر ،الديناصور و كاع عمالقة المحيط اي حاجة إلا بنادم ،و الحل ماشي هو تفيلتري الحل هو تشدي اليمنى، و تحركي شويا يضربك البرد و لا شي تران نتفكو منك ديري أي حاجة و لكن متقبليش راسك قبليه جهة الكعبة و موتي أختي ، و تجدر الإشارة الى أن هذا النوع يأبى الانفصال عن السداري و الناموسية ، متشبتين ببلاصيهم تشبت المغرب بصحرائه (بصوت مصطفى العلوي) معاكيز ربهم تفو ،مصالحين لوالو و فالآخر تجي تكتب ليهم أنا لست مجرد جسد أنا روح و كينونة ،واا حنينتي (بالغوات) نتي راك لا جسد لا روح لا بركوكش واااع،صراحة المصايب كثرو وحدة تنسيك فوحدة و لكن قبل ما نمشي خاصني نحيي المغورات متقوبات العينين لي كيستعملو الفيلترات باش يكبرو العين و يبانو زوينات و يضربو على الشعا ،كنستحضر قولة الشاعر المزابي :خلف الماكياج الساطغ و الفيلتر الخادع يوجد نوع من الضفاضع ،راه لكنتي خايبة غتبقاي خايبة هادا هو قدرك فعانقيه ،أما صحاب كل أنثى جميلة بالضرورة ،يدكم فيه و نسبية الجمال زيدوها فكركم ،راه كاين الزين لي تخلق باش يتبت صحة النمودج الذكي للكون و كاين المصايب لي تخلقو باش يفكرونا فعذاب القبر و هاجوج و ماجوج و يخلق ما لا تعلمون .
كاين لي غيبان ليه بلي نزلت غي على البنات بزاف ،و لكن ملقيت مانقول لبوقلوة لي كيستعمل هاد العبث الخلاصة أي ذكر كيسنابي راه أدومة ،البراهش معدورين و الدريات الهورمونات مكيرحموهمش الله غالب ،أما الذكورة راه ميدخلهم لهاد الويل غي الفارة و قلة الحيا ،ودبا فكرو معايا الراجل لي مضارب مع هاد الفيلترات تفرح ليه، غنشوفوه شي نهار رئيس وزراء فحال بوتين ،فين هو الكاريزم وفين هي الرزانة أزريعة القنب ،راه تآنسطالي السناب من هنا يطير ليك التوتوستيرون من لهيه،و ترجلو الله يعطيكم الذل ، مصر عطاها الله الفراعنة و حنا بلانا الله  بالرعاونة الزملة صافي  أ تفو و لايح تاهو تصويرتو بقبطة ديال الربيع و فرحان ،جايب نوبل أولد القحبة و النكافات و الدقايقية نازلين باللايكات ،اودي حنا المغاربه حدا الجيم و الريتويت خاص يزيدونا خبط مو بحجرة ،نزل عليه بمقده سبعطاش ،قرطسيه باش يبردو ليا الغدايد  و تفو مرة أخرى.
بما أن اليوم الجمعة و هاد النهار عزيز عند الله فإننا نرفع أكفنا بالدعاء و طلب الهداية للجنس القصيف لي كيصورو لينا ماكلتهم ،و تقاشرهم و تراميهم و فين مشاو و منين جاو ، راه قهرتونا واش حنا شعب كيتشارك كلشي ،دبا اش ستافدنا حنا بتصويرة  ديال غداك و فوق منها مرحبا بيكم كي درتو ليها أ تريكة الكحلة عطيني اللوجيك أ لقلاوي ،المهم الوجود عبثي و متزيدوش علينا بهاد البهلوانيات ديالكم و تخراج العينين و البزازل و الترامي  الله يغبر ليكم الشقف ، هادشي كيبين لينا بلي حنا شعب كثر من مخور الريح لي جا يدينا بنادم كيستعمل الحاجة بلاما يعرف شنو الهدف منها و اش غيستافد ،الانحطاط هو هذا و راه شحال هذي نيتشة قال بلي العدمية حتمية فهاد القرنين ،و حنا راه فتنا العدمية شحال هدا فوقاش غنجمعو راسنا الله أعلم ، بغيت نوصف الوضع المحرحر لي و صلنا ليه فلم اجد أكثر بلاغة من قولة الفيلسوف التويتري نوفل "البؤس و بنادم مكوانسي من زكو ".